أهل نجد وصفاتهم

مشكوره

ويعطيك اللللف عافيه ياlulu_fofo

مرررررة حلو

وتقبلي مروووووري

THANK U 3al Al Moror
نونـ2009ـي

يسلمووووووووووووووووووووو
تقبلي مروري

محد رد
لـــيـــش :(6536: :(6536:

موضوع: أهل نجد وصفاتهم الأحد أغسطس 10, 2008 8:27 pm

طباايع أهل نجد ::

شباب الحوطه والحريق,,
بسطاء وعلى قد حالهم يتكلمون بلسان بحريني يتميزون بطراافه عجيبه والحق ينقال طيبين وحبوبين وهذا من ربي لذالك هم محط الطرافه والنكت في نجد

بنات الحوطة والحريق:

ربات بيوت ، هاديات مالهم صوت مع بنات نجد ،طموحهم الزواج والعيش بأمن
وسلاااااام ،تكثر مهنة الخطابة عندهم ،وهم طباخات توصيل المنازل ، وتكثر
عند عجايزهم تصنيع الأعشاب ومراهم التجميل البسيطة (بس الله يهديهم يوم
يغشون ويدخلون الزيبق ،حراااام عليكم يبيض الجلد بس يدمر الكلى).

شباب القويعية:

قوي شخصية، مطوع ويخاف الله وراعي تمر، حار وعصبي وما عنده وقت ،مزواج
ويحب يتعدد بعد سن الثلاثين أما العين عندهم حدث ولا حرج فهي جمر ملتهب
ونار تتلظى، عندهم تكافل اجتماعي إذا برز احدهم في مجال أصابوه بسهامهم
ولا حول ولا قوة إلا بالله.

بنات القويعية:

مؤدبة وخلوقة وراعية دين وصلاة، وحجابها يشهد على دينها وعقلها ، أما
لسانها فتهاليل واستغفار ،وذوق على ذوق ،والمحظوظ اللي ياخذ من بنات
القويعية لولا اهمالها لمظهرها بزيااااااااااااااادة ، بسيطة جداا
،طموحها في الحياة الحصول على جهاز جوال.

شباب الدوادمي:

ديرتهم على حدود نجد فيهم فزعة البدو بس
يمصخونها في ميانتهم ، كرماء لولا انهم ينهبون اللي في يدك ، تعرفهم
بأزاريرهم المفتحة وأكمامهم المشمرة والطواقي بدون شمغ ،والشعور مغطية
الأكتاف ، يكرمونك بتبسي مفطح مغرق باللبن ...اممممه هيدي طعمة
لبنان...عفوا طعمة الدوادمي.

بنات الدوادمي:

بيض وناعمات ، تنفي الدوادمي من قاموسها وتكذب وتقول من الرياض
( من استحى من ديرته قال انا رياضي). اكره ما تشوف حمولتها ، طيبين والا
انذال.... كله واحد ، حتى زوجها ماسلم منها ، ما عندها له الا مطرق
الحداد ، محد ينافسها بصناعة الاقط و ثمامة الرياض خير شاهد .

شباب الخرج :

كاوبويات نجد ، الكاوبوي الصغير هوايته تربية الدواجن والكاوبوي الكبير
يخرف النخل ، ريفيين ، أهل دين وعلم ويشهد لهم التاريخ ، القفزة الهائلة
في حياته إذا نقل للرياض.

بنات الخرج :

سمر ورشيقات وماخذين مقالب في أنفسهم في الزين ،أبرع بنات نجد في سلاطة
اللسان وبذاءة المنطق (الله يحلل التكارنة) ريفيات ومن العقدة تحط حيلها
في الكشخة وللأسف الناتج جيزاني ، تبي تعرفهم اسأل بنات الجنوب اللي
ماسلموا من استهزائهم وطنازتهم واستهتارهم .واسأل الخرجاوية عن ديرتها
تقول الرياض وننزل اخر الاسبوع نغير جو في مزرعتنا في الخرج،ما يربي
الحمولة غير الخرجاوية.

شباب الزلفي :

تعرفهم بخدودهم الحمر كأنك تتمشى بين نفودهم ( ماشاء الله)، قراوة
ومتأخرين عن الناس بقرن ،يزدرون المرأة ،وكأنها مخلوق اخر ، مطاوعة إلا
إنهم فاهمين الدين تعقيد وتزمت واذا سألتهم من وين ،قالوا قصمان

بنات الزلفي:

ستات بيوت وفي المطبخ شيف نجدي ولا أحسن ، خدودهم أكبر من خدود شبابهم ،
اذا سألت الخوات من وين؟ وحده تقول من حريملاء والثانية من ضرماء
والثالثة من القصيم والرابعة تشطح للرياض
(اختر الاجابة الصحيحة مع انها ما وجدت)
مطوعات على علم وفهم بس الله يهديهم جاهزات للشتايم، الزلفاوية
اخت رجال وكفو للحمولة.

شباب حايل:

جينا للفرسان ،شجعان ،ليلهم قصيد ونهارهم صيد ،ويا ويلك تغلط ترى السيف
بتار ، تصرفاتهم غريبة ماتدري وش يبي ( طواري) ، يحبون الفلة
والوناسة ، طلعات وكشتات ولو أن عقولهم بسيطة ، عندهم كرم حاتم اللي مايعرف
في هالزمن عندهم ، بفهمون بسلوم العرب يابعد حيي .يموت اذا ماقال
( يا جدي - ياحيـي - يا خلفهم - وش نوحك ههههههههههههههه )

بنات حايل:

طوال وحلوات لكن جفسات ،الحايلية لكن
تفضحها طيبة قلبها ، كلامها قصيمي اذا حذفت من قاموسها
المصطلحات البدوية، ، تبرد القلب في سناعتها ونفالتها ، عز الله ان بنات
حايل حريم والنعم ، تسند الرجال وإذا غاب قامت مكانه.يا ناس لا تفوتكم
الحايلية .

شباب الدرعيه :

رجال مواقف وفزعات ، وأهل الدين والكرم ، يتهمونهم اهل الرياض بالتخلف
والقراوة والنظر الى الخلف ، وكل ذا عشانهم متمسكين بعمقهم وأصولهم
الطيبة، أهم ما عليهم مزارعهم ونخلهم وخرف التمر ، جيبه فاضي والا مليان
... ما يهم باب الضيافة مفتوح ... عكس الرياضي اللي محد يدل بيته .

بنات الدرعيه :

هاديات وأخلاقهم عالية ،يحبون السنع والواجب ، ويا كثر التسا ء عندهم
والكاف نافينها ، عجايزهم عصبيات ودينات محد يفهم بالدين غيرهن ويحتقرون
حريم الرياض ويتهمونهم بقل الدين .

شباب الرياض:

كاشخ على طول ، دلوووع وناعم ،بس الشكل لك عليه ، سيارته فيا غرا آخر
موديل ، وبيتهم قصر ولا أروع ، بس لايغرك كل هالعز ترى الجيوب فاضية
والبنوك ما تعرف لهم حسابات ،عقولهم قواطي يقيمون الناس حسب كشختهم هذا
النوع الأول .
أما النوع الثاني ،يحتك بالنوع الأول ،حسب مايقول أنه ما يتمشى إلا في
جنيف ،ولا قد شاف جنوب الرياض، ومن حب الترزز والفشخرة يرمم بيته
المستأجر،عموما الرياضي مغازلجي ،ورغم دخوله الجامعة بالواسطة إلا أنه
ينطرد منها وما يفلح فيها ، الدين الله بالخير ما عندهم سالفة ،بس
للأمانة تشفع لهم طيبة قلوبهم وأخلاقهم العالية. عايش في وهم التشخيص
،يشاتمون أهل الدرعية وهم مو كفو ،أنانيين، مالهم صديق والوفاء مايدلونه
، اليوم صديقك وبكره مايعرفك والأخو ماينفع أخوه،ومن النادر تلقى رياضي
عرقه النجدي صافي ،لازم أمه جنوبية ،وجدته بدويه .

بنات الرياض:

دلوعة وكلامها أحلى من العسل، كل كشختها وحيلها بجلابيتها السوداء،ومع
اللثمة ولا أحلى، واللي وراء اللثمة وبدون مكياج فالله يخلف (خله مستور
أحسن)، حبوبة وخلوقة وجاهلة في الدين لدرجة أنها تدور في المصحف شعرات
الرسول عليه الصلاة والسلام (الله يفشلها.....هذا وهي نجدية) ، إذا تقدم
لها خاطب ، أول سؤال: عنده فلووووووس؟ الدنيا ما عاد هيب زي أول) وهذا هي
تصريفتهم من جدتهم لين بزرتهم ، إشاعاتهم كثيرة ،كل سوالفهم: الفلان
هوووو ماسمعتي فيهم....معروفيـييييييــــن (عندهم زود ريال) ، صديقتها
لازم تكون نجدية وعندها فلوس ، أكثر مستفيد من
راتبها مراكز التجميل ،أما البنك ماتدل دربه .رومانسية بشكل غير معقول من
صغرها وهي تفكر في فارس أحلامها ،وإذا تزوجت تضطر لمقاطعة كل صديقاتها
خوفا من العين (ما شاء الله.....وفية لأبعد حد)

شباب القصيم :

اهاااااا وصلنا عاد للقصمان بنظرة نجدية

أنهم شعب الله المختار ،محد بفهم بالدين غيرهم / يلهثون وراء المال
فابحث عن قصيمي وراء كل تجارة أو ثروة (ماكلين الأخضر واليابس) . وبيل
غبتس حقهم (الراجحي) خير دليل / ذكاؤهم شديد ومن شدة
مكرهم وكبر كيدهم يظهرون بثوب الغبي اللي مايدري وش القصة وهم لاعبين
بالعقول لعب الكابتن بالكورة / في العلم بزرهم يبلع المقررات وشايبهم
يبدل بالنظارات / الخامسة أنهم يشكلون جماعات متكبرة مايسمحون بدخول
الغريب بينهم واذا سمحوا فهو على الأقل نجدي، أما باقي مناطق المملكة
محذوفة من قواميسهم التكبر معبي للامانةهم أطوع اهل نجد،
ماتهمهم المظاهر مع انهم اغنيــــــــــااء! ! ،وإذا تطوروا تأمركوا
،،وإذا بيمدحونك (ما شاء الله ما تقول إلا قصيمي) والسكري ما مثلوووه،
القصيمي يدلع زوجته حتى تنتهي الصلاحية ثم يستبدلها بأصغر
( أروع الامثلةفي الوفاء ) .

بنات القصيم :

طخماء قوووة و بيضاء، والشهادة لله أجمل نجدية وبس تتكلم تكره زينها .
أكثر نجدية تحرص على صبغة شعرها عشان يصير شكلها شامي ، ياحرام ....صحيح
الشكل شامي لكن ملسووووونة وياويلك تطيح في لسانها والمصيبة لهجتها يفتح
الله... تحب الطرب الشامي مع الرقص اللبناني.....دافورة ،ما تفوتها لا
شاردة ولا واردة ،وتحقد حقد البعير على اللي تغلبها في الجمال أو
الدفارة. تخاف من العين والحسد فتكتم اللي يسوى واللي ما يسوى ،واثقة
ومغروووورة ومحد يسلم من طنازتها، بارعة في صناعة الحلا..كيف لا والكليجا
وقرص عقيل والمعمول صنعة جدتها...الله يعينك ياللي تخطب بنتهم عز الله
( ولا خاطبن ديانا) لازم حتى جدتك الخامسة
يتأكدون 000 القصيمية حشامة زوجها
وحمولتها أهلها.

شباب سدير :

عندهم الكلام ونقل الحكي ،
يهاب راعين الفـلـــــوس، لأن فلوسهم مش ولابد، وإذا طلع
منهم تاجر سووا له إعلانات مجانية،النعمة تطغيهم واذا تجروا قل دينهم ،
السديراويوأول من يباشر على الشلة، عشان يثبت انه ولد نعمة ،
والشهادة لله انه كريم، قروي ولكن قابل للتطور والتمدن بسرعة هائلة ،
ناجح في دراسته ،فاهم في الدين ،بصراحة ولاتزعلون يا بنات سدير شبابكم
اوسم بكثيييير من بناتكم ، السديراوي أصيل، يقدس عرقه النجدي ويحافظ عليه
(كفو يا سديراوي ....قد نجديتك وقدود) ما سمعت شاعرهم يقول : البنات
الحور في نجد الاصالة الحياء والدين هو غاية طلبها.

بنات سدير:

إذا كنت بتحرجها أسألها عن ديرتها بتقولك : ( المجمعة ،بس عمري ما شفتها)
، تلصق نفسها غصب ببنات الرياض ، وتقلدهم الله يصلحها في الزين والشين ،
مبدأها أن الكشخة ماتصير إلا بالتحرر وترك الدين (الله يهديها) واللي
ماتسمع أغاني،تقول عنها (اوووف ،قروية ، متخلفة) مع ان ثقافتها الدينية
فوووق ، السديراويات تلقى من بينهم الحلوات وبعضهم ماشي الحال ، مشكلتها
احتقارها لباقي مناطق المملكة ،وإذا قرفت من أحد قالت
(وعععع........ ) ، ملكعة محد يضحك عليها ، السديراوية صداقتها من
ذهب ،وهي يمناك إذا احتجتها ..

شباب شقراء
:

عكس السديراوي ،ثقته بنفسه عمياااء الشقراوي مايقصر على نفسه ولا على
غيره ، يقو ل الشاعر حالف بالله ما انسي حب سارة لو أهل شقرا يخلون
الصلاة ، يعني مطاوعة ويخافون الله ، مشكلتهم انهم يحبون الكشخه والمسه
بزياده . يدلعون حريمهم ولا يعرسون عليهم, وأكبر همهم وشلون يزيدون
فلوسهم .كثير منهم رجال اعمال وكثير منهم تجار ،يشكلون الطبقة الثانية
من أثرياء نجد .

بنات شقراء :

جميلااااااااااااااااات جدا ،أنيقة وتحب الكشخة مدبرات وربات بيوت

تعطيها ميزانيه دوله تدبرها صح ، ذكية وحظها يكسر الصخر لكن زواجات
بناتهم سكاتي، الشقراوية مصدر خوف وقلق لأهل سدير ، فما ياخذونها لولدهم

يخافون تاكل الجو كله

منقووووووووووول انا ماعلي لااحد يزعل مني